“Урганч ёғ-мой” АЖ акциядорлари диққатига!

Ҳурматли акциядорлар, “Урганч ёғ-мой” АЖ акциядорларининг йиллик умумий йиғилиши 2022 йил 28 июнь куни соат 10:00 да, Урганч ш., И.Дўсов кўчаси, 2 уйда ўтказилиши тўғрисида ҳабардор қиламиз.

Кун тартиби:

1. Умумий йиғилиш регламентини тасдиқлаш.

2. Умумий йиғилиш саноқ комиссиясининг сони ва шахсий таркибини тасдиқлаш.

3. “Урганч ёғ-мой” AЖ Ижроия органи раҳбарининг жамиятни ривожлантириш стратегиясига эришиш ҳамда 2021 йил учун тасдиқланган бизнес-режа кўрсаткичларини бажарилиши тўғрисидаги йиллик ҳисоботини тасдиқлаш.

4. “Урганч ёғ-мой”  AЖнинг 2021 йил якуни бўйича жамият тафтиш комиссиясининг ҳисоботини эшитиш.

5. “Урганч ёғ-мой” AЖнинг 2021 йил якуни бўйича жамият ташқи аудиторининг ҳулосасини эшитиш.

6. “Урганч ёғ-мой” AЖнинг 2021 йил якуни бўйича бухгалтерия баланси, молиявий натижалар, фойда ва зарарлар ҳисобварағини тасдиқлаш.

7. “Урганч ёғ-мой” AЖнинг 2021 йилдаги фойда ва зарарларни тақсимлаш, жамиятнинг жойлаштирилган акцияларининг ҳар бир тури бўйича дивидендлар тўлаш, дивиденднинг миқдори, уни тўлаш шакли ва тартибини тасдиқлаш.

8. “Урганч ёғ-мой” AЖ нинг 2022 йил учун бизнес-режасини тасдиқлаш.

9. Жамият ижроия органининг аффилланган шахслар билан тузиладиган битимларни ва йирик битимларни мустақил амалга ошириши учун жамиятнинг жорий хўжалик фаолияти билан боғлиқ битимларни аниқлаш ва уларнинг тузилишини маъқуллаш тўғрисида.

10. “Урганч ёғ-мой” AЖ Кузатув кенгашининг 2021 йил якунлари бўйича унинг ваколат доирасига кирадиган масалалар юзасидан ҳисоботини эшитиш. 

11. “Урганч ёғ-мой” АЖнинг 2021 йил якуни бўйича корпоратив бошқарув тизимини баҳолаш бўйича мустақил баҳолаш ташкилоти ҳисоботини кўриб чиқиш.

12. Жамият томонидан Корпоратив бошқарув кодекси тавсияларига риоя этилиши масаласини кўриб чиқиш ва натижалари юзасидан хабар бериш шаклини тасдиқлаш.

13. 2022 йил якуни бўйича жамият ташқи аудиторини тасдиқлаш ва унинг хизмати учун хақ тўлаш миқдорини белгилаш.

14. “Урганч ёғ-мой” АЖнинг янги таҳрирдаги Устави ва ички корпоратив ҳужжатларини тасдиқлаш.

15. “Урганч ёғ-мой” AЖ ижроия органи раҳбари билан мехнат шартномасини узайтириш ёки янги раҳбар сайлаш тўғрисида.

16. “Урганч ёғ-мой” AЖ жамият тафтиш комиссияси аъзоларини сайлаш. 

17. “Урганч ёғ-мой” AЖ кузатув кенгаши аъзоларини сайлаш.

Умумий йиғилишда қатнашиш ҳуқуқига эга бўлган акциядорлар рўйҳати жорий йилнинг 22 июнь ҳолатига тузилади.

Йиғилиш қатнашчиларини рўйхатга олиш 2022 йил 28 июнь куни соат 09-00 да бошланиб соат 09-55 гача давом этади.

Йиғилишда кўриладиган масалалар бўйича акциядорларга тақдим этиладиган материаллар билан танишиш ёки маълумот олиш учун қуйидаги манзил/электрон почта манзили ёки телефон рақамларига мурожаат этишингиз мумкин:

Урганч шаҳри, И.Дўсов кўчаси, 2 уй

e-mail: urganchoil@umail.uz, info@urganchyog.uz

Тел: 0 (362) 224-57-57

Йиғилишда қатнашадиган акциядорлар ўз шаҳсини тасдиқловчи ҳужжат ва ишончли вакиллар ўрнатилган тартибда расмийлаштирилган ишончнома билан келишлари сўралади.